Mokukwama ntumwa raka zoCabinete omu vageve asi evango lyokatomeno moRundu lyahepa kurugana ngesi , vahepa kuliwapukurura ano ngesi ewapukururo lina pun are ngesi kuna kuza nye vatameke kutomenapo yimuna, kampani ezi zaMeat Corporation zaNamibia mukurona gwazo pamberewa Mwilima Mushokabanji yimo ngoso katente.
Ministera gonodoropa nekuliko nomukunda doponze zodoropa, Erastus Uutoni, moutano kageve paveta mambo gokusika ko 33 aga vatunga wombunga avatumbura asi Okahandja Shack Dwellers Federation.
Konyara vantu wokusika ko 800 komavango aga vana tura gokutunga moOshakati ngesi tavakagwana rutjeno vana kuvatulirapo mawokowoko momambo gawo.
nkarapamwe vatunga momukunda gosintokorwa Uuvudhiya ngesi awo vana lipiraukire vene navene morwa nombudi nye edi kavagwene kosimbanda ogu. Vatungimo moOmapopo, Alusati, Iipopo Yaangolo, Oshaanda Shamutenya ntani Omusati gwaNiita asi kuliroga vene navene ano ngesi vana lihomokere nye vene hena morwa mauzera asi ngano kavagwene pwankenye muntu pomundinda gwendi dina kutunda nyue
ndango zomukunda horowero gwaOshana vana turapo elikwamo eli vana tura asi vahepa kulirugana omu navatwikira kutwara komeho kugava evhu kovantu ndi asi vatungimo rambangako evhu lyongesefa negano asi vasesupikeko udigu ou wokupira mambo mevango eli vatura asi lyokutunga vantu moEheke, nguuru gomukunda gwaOshana Elia Irimari yimo ana kutanta ngoso.
Marwanambo gana kara mombunga politika United Peoples Party (UPM) ngesi kuna kukasika nye kompanguro omu hamutjanga ntoni ana kutwara president gwawo kompanguro morwa yimaliwa eyi ana kugazxara asi kwayiruganesa pwahana asi paveta.
Kuna karapo nye ehuguvaro lyava vapira yirugana, morwa kuna kumoneka asi takukamoneka yirugana yovantu wokusika ko 15 000 moruha rwepangero omu vana kuyindindira yikahoroke mvhura zeezi.
nguuru gomukunda Kavango zoutoke ro Si r rka Ausiku kageve yitundwamo asi yirugana yoyinzi kuna moneka monomvhura murongo edi dakapita, morwa nokampani dononzi kwaya paturura nomberewa nye nampili ngoso ruhepo simpe kuna gumu momunene mukunda ogu.
Presidente Hage Geingob katente asi silica esi somagongo sakara tupu asi sovaWambo, nye sakona kukara asi silica sokureta vantu pamwe, kureta marero gorudi pamwe, nanavenye Namibia mudima.
Musita gongereka zaElcin moNamibia, ogu ana kara momakuye kutundilira komumatigona ogu ana kutanta asi kwakara nendi kumwe panyama ndi asi matanyuna omu gamutumbwidira asi tamugwanene yirugana ngesi vana muhagekesa.