Elelo lyondoolopa yaShakati olye ya po noprogalama yoku pombela omatale nomadhya ge li popepi nomalukunda, nelalakano okukeelala opo aakalimo yae kaaya kwatwe kuMalaria.
Victoria Shilunga oha landifa oikulya yoshiwambo momatala mOngwediva ngaashi ombidi ikukutu nomavanda, oshuungu, ondjove, ondungu, omahandja, oufila womahangu, ongudo, omalodu oilya, omakunde nosho tuu.
Ookansela miitopolwa ya yooloka monooli, oya kwashilipaleke kutya aantu oyendji, unene aanyasha oye na eitulomo noya ninga omaindilo goopoloyeka, oku tota po noku humitha komeho oongeshefa dhawo.
Oositola momatungilo gaKatima Mulilo Mall, ngaashi Shoprite, Pep, Clicks nositola yiikunwa odha pi po thiluthilu komulilo ongula yEtine moshitopolwa shaZambezi.
Moses Ndemoongela oha landifa oihakautu neenyanga pomukunghulo wopate modoolopa mOngwediva. Ota ti kutya okulandifa osho oshipewa shaye ehole unene, yee ta yelifa kutya mongeshefa yaye omo hamu di oshimaliwa shokulikwafela nokukwafa ounona vaye.
Aakalimo yokiikandjohogololo Epupa oshowo Opuwo oya tembukile kOndoolopa yOpuwo, taya kongo uulithilo wiimuna yawo.
Omilandu nomalandulathano ngoka ga hulu ohela oga gwedhelwa notaga tsikile ge li ngaashi ge li, okuza uusiku wonena sigo oko31 Maalitsa –ndhika odha tseyithwa komupresidente Hage Geingob sho a li ta popi noshigwana sho omasiku ngoka ga li ga gandjwa gepato ge ya pehulilo.
Ombelewa yOumisteli yOukashikekookanhu nonghalo nawa yokaana moshitukulwa shaHangwena moshikandjohoololo Omulonga oya yandja oshilimawa kombelewa yakansela Omulonga, shi fike poN$10 000.
Mirjam Faith Mangundu gwomOshakati okwa ti, okwa kala nomukithi gwoshipa tagu ithanwa “VITILIGO’’ uule woomvula hetatu, ngoka gwa piyaganeke onkalamwenyo ye.
Your experience on this site will be improved by allowing cookies. Allow cookies